بختیار عاشیق اودور کی،اونو جانانی سئویر
بینوا بولبولونو، اوز گولئ- خندانی سئویر

من او زولفون آزی یوز دفعه بلاسین چکدیم
دلی کونلوم یئنه اول زولفی – پریشانی سئویر

اعتیبار اولماز اوزون گوسترن عاشیق لرده
احسن اول عاشقه جانانینی پنهانی سئویر

عصری حاضیر کئ – گوزلیکلری گورمور زاهید
ایندی ده جهلینی گور – روضه یئ رضوانی سئویر

سئویرم من او نزاکتلی گوزل دیلبری کی
موسیقی علمینی ، رسامی ، غزلخوانی سئویر

'پیر کونلوم گلییر ایلهامه گوررکن هردن
بیر نجابتلی گوزل قیز گوزل اوغلانی سئویر

واحیدین اوچولوغو اولسادا اینصافی دا وار
اوز کمندیینه دچار ائتدیی جیرانی سئویر