بو مکتبی عشق ایچره دردانه منم ایندی
سون طیفلی زبون ایردیم،بیر دانه منم ایندی

دردیمی فزون ائتدیم،دیل کیم دولو خون ائتدیم
ره سوی جنون ائتدیم،دیوانه منم ایندی

می دن داها مست اولدوم،دؤندوم می پرست اولدوم
هم مست ِ الست اولدوم،مستانه منم ایندی

لام آت قیچی، بیستون دور،فرهادی ائله معذور
کؤنلون سؤزودور مسطور؛غمخانه منم ایندی

وئردیم دلیمی یاره،باغلاندی او اغیاره
کؤنلومده قالیب یاره،بیگانه منم ایندی!

سبحانه ُ خالقی،درد منله قالیب باقی
وئر مه داها می ساقی،،میخانه منم ایندی

فریاد کیم "انا المجنون"،لا خوف،لا هم یَحزَنون
ائتدی زولفی یار افسون،افسانه منم ایندی

دوران ائلئییب تقریر،ائت عشقی، پکر، تحریر
لیلایه ائدن تنظیر،بیر دانه منم ایندی