گئجه نین سوسقون چاغی،قارانلیقدا یانان شامین ایشیقینین آلتدا،قانا

دولموش قلمین سینیغ اوجینان ،تیتره ین اللریمینن یازیرام

شهید...!

اؤلوم سمفونییاسین چالدیلار

بورودو دونیانی اینسان قوخوسو

  قارالدی گؤی،

           یاغدی یاغیش،

                         دولدو دنیزلر،

                                  دالغالانار کن، فیرتانالاندی

 آلدی جانا ظولمون گمیسین

    داشلارا چالدی

قالخدی آتش آلووی دونیانی آلدی

ایشیقیندان دوغولوب عشق

دونیایا یول آچدی

هرکیمسه قدم قویدو بو یولدا

عشقی معنا ائدیب،فخر جهان اولدو

سارالدی سورغولاریم،سولدو گوللریم

لاله لر یئللره قوناق گئده نده ...

مست اولدوم ،دلی یه دؤندوم،ساغا باخیب،سولا  دؤندوم

آناوین سیفه تینه واخت سیز دوشن قیریشلاری گؤرنده

 

 نه دئییم،

گتیره بیلنمیرم شعریمده آدین

قوی سؤزجوکلر بهانه ائتسین!

دئسین:

شهیدسن

             شرف،

                         همت،

                                   یالقیز،

                                               درد

     آنلامیسان.

                                              سعید ارمغان ۹۰.۰۷.۰۱